خلى المريض أو إللى هيقيس الضغط يريح 5 دقائق قبل القياس يقعد على الكرسي يريح تمام ظهره مفرود وميحطش رجل على رجل و رجله مريحه تماما على الأرض ويسترخى تماما.. لو شارب سجاير عامل مجهود شارب بيبسي قهوة أو شئ يحتوى على الكافيين يريح 30 دقيقه على الأقل قبل القياس لأن دا ربما يدينى أرقام مرتفعه فى القياس أو يتجنبهم قبل القياس على الأقل ب 30 دقيقة.. يفضى المثانه البوليه كويس قبل القياس.. أثناء القياس لا المريض ولا إللى بيقيس يتكلم ودى بنلاحظها كتير جدا فبلاش كلام عشان خاطر الأرقام.. المفروض ميكونش فيه ملابس ماسكه أو ضاغطه على الذراع إللى هتقيس فيه أو ميكنش فيه خالص مكان ال cuff ودا الأفضل.. الذراع إللى بيتقاس عليه يكون فى مستوى القلب ويكون الذراع على مكتب أو شئ ميكنش زى ما بنشوف فوق مستوى القلب أو تحته أو رافع ذراعه ومش مرتاح لان دا بيدى أرقام خاطئه.. الأفضل ولو أمكن يكون نهاية ال(cuff أو الكفه ) فوق على بعد 2-3 سم من الكوع أو ال( antecubital fossa ) زى اللى فى الصوره كده عشان أتجنب الصوت إللى بيحصل من إحتكاك أو لمس السماعه لل cuff والأصوات إللى بتداخل مع السماع.. يتأكد من سلامة الجهاز وإنه بتعمله صيانه دوريه كل مدا ومن حجم ال cuff لازم يكون مناسب لانه لو كبير أو صغير على الشخص بيدينى قراءات خاطئه وبيكون على حساب محيط الدراع ويوجد أحجام مختلفه.. القياس فى الذراعين بلاش أسطورة الشمال فقط : تقيس فى واحد وترجع تقيس تانى فى نفس الذراع بعد نصف دقيقه لدقيقتين لو لقيت القياس التانى أعلى من الأول ب 5 تقيس تانى لغاية ما توصل لقياسين ثابتين متتاليين وتاخد المتوسط وتنتظر 1-2 دقيقه وتقيس فى الذراع الأخر وبالمثل.. وبعدين تاخد الذراع الأعلى.. ولو فيه فرق معاك لغاية 5-10 درجات فرق بعض الكتب لغاية 15 درجه غير كدا تقوله قوم إطمن على نفسك.. لماتيجى تقيس زود 30 درجه بعد ما ال radial pulse أو نبض إللى بحسه عند الإيد يختفى.. وأول صوت بسمعه هو دا الإنقباضى إختفى الصوت يبقى دا الإنبساطى.. (Korotokoff phase V) لو إستمر بعد ما الصوت ضعف 10 درجات أو أكتر إعتبر إن أول ماحصل ضعف فى الصوت هو الإنبساطى (Korotokoff phase IV)